عقیدہ ختم نبوت: قرآنی و حدیثی دلائل

عقیدہ ختم نبوت: اسلامی عقیدہ کی اہمیت

لوحِ محفوظ اور عقیدہ  ختمِ نبوت

حدیثِ پاک کی مشہور کتاب مسلم شریف میں ہے : اللہ پاک کے آخری نبی ، مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم نے فرمایا : اللہ پاک نے زمین و آسمان کی پیدائش سے 50 ہزار سال پہلے مخلوق کی تقدیر  لکھی ، اس وقت لوحِ محفوظ پر جو کچھ لکھا گیا ، اس میں  یہ بھی تھا : اَنَّ مُحَمَّدًا خَاتَمُ النَّبِیٖن بے شک مُحَمَّد صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہیں۔  

حضرت آدم عَلَیْہِ السَّلام اور عقیدہ  ختمِ نبوت

صحابئ رسول حضرت ابوہریرہ رَضِیَ اللہ عنہ سے روایت ہے ، آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے فرمایا : جب اللہ پاک نے حضرت آدم عَلَیْہِ السَّلام کو پیدا فرمایا تو انہیں ان کی اَوْلاد دِکھائی گئی ، آپ نے اپنی اَوْلاد میں سے بعض کو بعض سے اَفْضَل دیکھا ، پس آپ نے سب سے آخر میں بلند اور روشن نُور دیکھا ، عرض کیا : یَا رَبِّ ! مَنْ ہٰذَا ؟ اے اللہ پاک ! یہ کون ہے ؟ ارشاد ہوا : اے آدم ! یہ آپ کے بیٹے اَحْمَد  ( صلی اللہ عَلَیْہِ وَ آلِہٖ وَسَلَّم )  ہیں ، یہی اَوَّل ہیں ، یہی آخِر ہیں ، یہی وہ ہیں جو  ( روزِ قیامت )  سب سے پہلے شفاعت کریں گے ، انہیں کی شفاعت سب سے پہلے قبول کی جائے گی  * صحابئ رسول حضرت جابِر بن عبد اللہ رَضِیَ اللہ عنہ سے روایت ہے کہ اللہ پاک کے نبی حضرت آدَم عَلَیْہِ السَّلام کے دونوں کندھوں کے درمیان لکھا ہوا تھا : مُحَمَّدُ رَّسُوْلُ اللہ خَاتَمُ النَّبِیّٖن مُحَمَّد صَلَّی اللہ عَلَیْہِ وَ آلِہٖ وَ سَلَّم اللہ پاک کے رسول اورسب سے آخری نبی ہیں۔

زمین پر پہلی اذان

حضرت ابوہریرہ رَضِیَ اللہ عنہ سے روایت ہے ، رسولِ رحمت ، شفیعِ اُمَّت صَلَّی اللہ عَلَیْہِ وَ آلِہٖ وَ سَلَّم نے فرمایا : حضرت آدم عَلَیْہِ السَّلام ہند میں اُترے ، آپ کو کچھ گھبراہٹ ہوئی تو حضرت جبریل  عَلَیْہِ السَّلام آئے ، انہوں نے اذان دِی ، جب انہوں نے اَشْہَدُ اَنَّ مُحَمّدًا رَّسُوْلُ اللہ کہا تو حضرت آدم عَلَیْہِ السَّلام نے پوچھا : مَنْ مُحَمَّد ؟ یعنی مُحَمَّد کون ہیں ؟ جبریل عَلَیْہِ السَّلام نے کہا : اٰخَرُ وَلَدِکَ مِنَ الْاَنْبِیَاء یعنی مُحَمَّد صَلَّی اللہ عَلَیْہِ وَ آلِہٖ وَ سَلَّم آپ کی اَوْلاد میں سے سب سے آخری نبی ہیں

#ختم_نبوت

#اسلام

#قرآن

#حدیث

#نبی_اکرم

#اسلامی_عقیدہ

مزید اسلامی عقائد کے بارے میں جاننے کے لیے

عقیدہ ختمِ نبوت: اہمیت اور تفصیلات

عقیدہ ختم نبوت کے دلائل: قرآن، حدیث اور تاریخ کی روشنی میں.